Gjtykata e Tiranës ka caktuar masën e arrestit me burg për Altin Morinën, shefi i stervistjës së RENEA-s, i cili u ndalua pak ditë më parë me mbi 115 mijë euro në një automjet luksoz me të cilin lëvizte
Ai akuzohet për veprat penale “Pastrimi i produkteve të veprës penale ose veprimtarisë kriminale”, “Fshehja e të ardhurave” dhe “Shpërdorimi i detyrës”.
Në seancë, Morina u shpreh se paratë ia kishte marrë një biznesmen mik i tiji, 20 minuta para se të arrestohej për arsye personale, dhe shtoi se është i gatshëm të bashkëpunojë me prokurorinë. Morina mohoi akuzat ndaj tij.
Ndërkohë, prokuroria i qëndroi akuzave në seancën gjyqësore, gjatë së cilës u bë e ditur se shefi i RENEA-s ka qenë në survejim.
Arrestimi
Punonjësi i forcave i forcave speciale të policisë u arrestua mesditën e së Martës te zona e Kodrës së Diellit në kryeqytet.
Gjatë kontrollit të automjetit “Audi SQ8” me të cilën lëvizte 43-vjeçari, rezultoi se në sedijen e pasagjerit në vendin e parë të automjetit ndodhej një qese plasmasi brenda të cilës kishte një sasi parash në 3 valuta të ndryshme. Nga numërimi rezultuan rreth 113 mijë euro, rreth 290.00 lekë (të rinj) dhe 80 paund, që u sekuestruan në cilësinë e provës materiale.
Aksioni i koduar “Fast”, siç njoftoi policia, “erdhi pas informacioneve nga “inteligjenca informative se një shtetas (punonjës police), qarkullonte me automjet tip ‘Audi’ dhe kishte me vete sasi të konsiderueshme parash”.
Sipas hetuesve, ka dyshime se efektivi i RENE-a ka lidhje me eksponentë të caktuar të krimit në Shqipëri.
Morina: Paratë të ligjshme
Megjithatë, në dëshminë e tij, Morina ka thënë se paratë janë të ligjshme dhe janë tërhequr nga banka nga një mik.
Pas arrestimit, ai ka deklaruar se nuk ka kryer asgjë të jashtëligjshme dhe se nuk është pjesë e ndonjë grupi kriminal.
“Paratë janë të ligjshme dhe vijnë nga një biznes. Janë tërhequr në bankë dhe i kam marrë për hallet e mia tek një mik. Nuk kam kryer asgjë të jashtëligjshme dhe nuk jam pjesë e asnjë grupi kriminal”, ka thënë Morina.
Qëndrimi në gjykatë
Të njëjtin qëndrim mbajti edhe gjatë seancës së sotme.
Altin Morina ka deklaruar se paratë e gjetura në automjet “i kam marrë nga një biznesmen 20 minuta para arrestimit, jo nga krimi”.
“Jam i gatshëm të bashkëpunoj me organin e akuzës. Arsyet janë familjare, personale, për paratë. Nuk kam pasur njeri tjetër në makinë. Do shkoja në shtepi. Kam problemet e mia. Banoj në Bllok”, ka shtuar ai.
