Një shtetas kosovar është proceduar nga policia në Muriqan për mosdeklarim të ardhurash.
“Shërbimet e Policisë Kufitare të PKK Muriqan, në hyrje të RSH-së, kanë kaluar në vijën e dytë për kontroll më të imtësishëm automjetin me drejtues shtetasin N.F.. Gjatë kontrollit të ushtruar në këtë automjet, shërbimet e PKK Muriqan gjetën dhe sekuestruan 11 790 euro, të padeklaruara nga shtetasi N.F., konform ligjeve në fuqi”, njoftoi policia.
‘Në përfundim të veprimeve procedurale për këtë rast, strukturat operacionale të DVP Shkodër referuan materialet në Prokurori ku nisi procedimi në gjendje të lirë për shtetasin N F., 58 vjeç, banues në Pejë, Kosovë, për veprën penale ‘Mosdeklarimi në kufi i të hollave dhe i sendeve me vlerë’”, shtuan të njëjtat burime.
