Kryetari i Partisë Demokratike, Sali Berisha, në një prononcim për gazetarët jashtë ambienteve të Kuvendit, u ndal tek atentati në Don Bosko ku mbeti e vrarë një grua dhe u plagosën pesë të tjerë dhe u shpreh se vrasësit ndodhen në qeveri.
Më tej, Berisha e quajti ministrin e Drejtësisë Ulsi Manja, një kriminel elektoral.
“Kujtoni vrasjen në Don Bosko. Unë i akuzova sepse vrasësi i saj fshihet në qeveri dhe nuk dhanë asnjë përgjigje. Ulsi Manja krimineli elektoral u ngrit dhe deklaroi se ndjehet krenar. Kurrë ndonjëherë parlamenti nuk ka qenë ndonjëherë në këtë shkallë të inkriminimit. McGonigal ka qenë ndërmjetës, e morët vesh se si i kanë përzier aksionet Edi Rama me McGonigal dhe këtë e deklaron ish presidenti i Dhomës Amerikane të tregtisë që kanë qenë këtu në atë kohë. Po dalin të dhëna që e fundosin Edi Ramën në mënyrë përfundimtar”, tha Berisha.
