Një 49-vjeçar është arrestuar ditën e sotme nga policia pasi në janar të vitit 2022, ka qëlluar me armë zjarri në drejtim të një banese në Shkodër.
Blutë bëjnë me dije se në pranga ka rënë shtetasi Ded Arraj, i cili ishte shpallur në kërkim që prej janarit të vitit të kaluar.
“Në kuadër të këtij operacioni, u kap dhe u vu në pranga shtetasi i kërkuar D. A., 49 vjeç, banues në fshatin Dukagjinin e Ri, Krujë, pasi Gjykata e Rrethit Gjyqësor Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Shtetasi D. A., më datë 26.01.2022, në fshatin Kasnec, Shkodër, për shkak të një konflikti për motive pronësie, ka qëlluar me armë zjarri, në drejtim të banesës së shtetasit N. U”,- njofton policia.
49-vjeçari iu dorëzua Drejtorisë Vendore të Policisë Shkodër, për kryerjen e veprimeve të mëtejshme procedurale.
