Një nga dëshmitarët në procesin gjyqësor për vrasjen e Pjerin Xhuvant, është vënë në pranga ditën e djeshme, pasi mësohet se ka dhënë dëshmi të rreme.
I arrestuar është shtetasi, Donald Zane, i cili dha dëshmi të rreme përballë gjykatës.
Zanë është shok i ngushtë i Mehmet Grecës dhe ndodhej në të njëjtën makinë kur Greca u ndalua nga grupi i mbrojtjes së votës i ngritur nga Partia Demokratike, përplasje që degradoi me përdorimin e armëve të zjarrit, ku si pasojë mbeti i vrarë Pjerin Xhuvani.
Donald Zane, ndryshe ka deklaruar gjatë fazës së hetimeve në prokurori dhe ndryshe ka deklaruar ditën e djeshme kur është thirrur si dëshmitar para gjykatës së Elbasanit.
Arrestimi i Zanes në seancë, është bërë me urdhër të prokurorëve të çështjes, të cilët e akuzojnë për “Dëshmi të rremë.
Zane është dëshmitari i dytë i arrestuar në sallën e gjyqit, pasi në muajin Shkurt 2023 prokuroria urdhëroi arrestimin e Miles Kurtit, si një dëshmitar që nuk ka treguar të vërtetën dhe që ishte paraqitur në gjykatë në gjendje të dehur.
