Deputetja Dhurapa Çupi, në seancën e sotme në Kuvend, ka sjellë në vëmendje rastin e nënës nga fshati Drisht i Postribës në Shkodër, e cila u arrestua për një gjobë të vitit 2020, duke e ndarë atë nga foshnja.
Gjatë fjalës së saj në Kuvend, deputetja ka kërkuar ndryshim të rendit të ditës, duke kërkuar një seancë me debat lidhur me ngjarjen.
“Rasti i burgosjes së një nëne që ka një foshnje 1 vjeç është i rëndë. Sot krimi është rrugëve, të korruptuarit është rrugëve, vrasësit janë rrugëve dhe arrestohet një nënë duke e ndarë nga foshnja. Kjo është një çështje sensitive. Duhet të ketë një debat të fortë ku institucionet shtetërore duhet të japin llogari lidhur me këtë ngjarje. Këtu para disa ditësh u festua 8 marsi ku nuk ngeli qeveritar duke bërë statuse ndoshta edhe me fotot të rreme për like, por sot nuk ka asnjë reagim. Seanca sot duhet të fillonte me një reagim. Shpresoj që të jemi të gjithë dakord që të bëjnë një seancë me debat për këtë ngjarje”,- tha deputetja Çupi.
