Kundërshtaret politikë të kryetarit të PD-së Sali Berisha dhe segmente mediatike pranë tyre kanë artikuluar në mënyrën të përsëritur se ndaj tij do të vendosen sanksione nga Bashkimi Europian së shpejti.
Spekulimeve i tha fund këtë të Enjte zëvendëspresidenti i Komisionit Europian, Josep Borrell.
Gjatë një konference nga Tirana, krah kryeministrit Edi Rama, Borrell mohoi se BE ka sanksione ndaj liderit të opozitës shqiptare.
Zyrtarit të lartë të BE iu kërkua në qëndrim lidhur me Sali Berishën, ndërsa iu përmend se ndaj tij ka sanksione nga SHBA dhe Britania e Madhe.
Në përgjigje, Borrel u shpreh se nuk ka asnjë informacion për ndonjë shtetas shqiptar që të shpallet “non grata” nga Bashkimi Europian.
“Nga pikëpamja jonë e vetmja gjë që mund të themi është që ne i marrim vendimet për sanksionet e Këshillit dhe këto janë pjesë e politikës së jashtme dhe sigurisë, por mesa di unë nuk kam asnjë informacion për propozim për sanksione për qytetarë shqiptarë”, tha ai.
