Ashtu siç pritej, pas përplasjes në distancë me deklarata midis Enkelejd Alibeajt dhe Gazment Bardhit e kreut të KQZ, Ilirjan Celibashi, grupi që mban vulën e Partisë Demokratike ka ankimuar sërish në KAS vendimin e sotëm për t’i mos regjistruar ata në zgjedhje si subjekt politik që drejtohet nga Lulzim Basha.
Menjëherë pasi KQZ rrëzoi kërkesen për regjistrim të përfaqësuesit ligjor të grupit “Alibeaj” me argumentin se dokumentacioni nuk është i plotë pa dy firmat e Bashës, Indrit Sefa i është drejtuar Komisionit të Ankesave dhe Sanksioneve.
Pas dorëzimi të ankimimit në KAS, Sefa foli për mediat duke thënë se kemi të bëjmë me vendimmarrje politike dhe të pabazuar në ligj nga ana e Kryekomisionerit.
“PD s’ka kohë për të humbur, ishte vendimmarrje politike nga komisioneri. Ne kërkojmë shqyrtimin nga KAS, të ankesës tonë, i cili të marrë në konsideratë kërkesat e PD dhe të shfuqizojë këtë vendim, tërësisht të pabazuar në ligj”, tha ai.
