Autoritetet greke kanë arrestuar mëngjesin e sotëm tre shqiptarë dhe një rumun jashtë një lokali në Athinë.
Mediat greke bëjnë me dije se rreth orës dy të natës, policia është njoftuar për të shtëna brenda një lokali por pasi ka shkruar në vendngjarje nuk ka gjetur gëzhoja në tokë.
Më pas ka lokalizuar katër persona, tre prej të cilëve shqiptarë, pasi janë dukur të dyshimtë. Mirëpo, sapo policia është afruar pranë tyre, njëri ka nxjerrë armën. Teksa ka tentuar që të qëllojë drejt policisë, i është bllokuar arma. Ata u arrestuan ndërsa njërit prej tyre iu gjet edhe një thikë.
Deri më tani nuk dihet nëse tre shqiptarët dhe rumuni i arrestuar janë të përfshirë në të shtënat e dyshuara në lokal.
