Nikoll Lesi mendon se grupi Alibeaj po përdor makinacione për të evituar hyrjen në zgjedhjet lokale të 14 majit.
I ftuar në emisionin “Të Paekspozuarit” në MCN TV, Lesi tha se grupi Alibeaj nuk ka vota dhe mbështetje popullore, ndaj nëse futen në zgjedhje rrezikojnë ta rendisin logon e PD-së si parti të dhjetë!
“Unë dyshoj që grupi Alibeaj, me këto lojëra dhe makinacione, që nuk shkon të marrë firmën e Lul Bashën, nuk duan të shkojnë në zgjedhje fare. Po gjejnë makinacionet e mundshme për të mos u regjistruar sepse ata e dinë rezultatin. Nuk dalin as parti e katërt, por e dhjetë… Nuk kanë fare vota.
Mund t’i regjistrojë KAS ose Kolegji Zgjedhor, ku ka ndikim mazhoranca, por dëshira e tyre është të mos futen në zgjedhje sepse e dinë rezultatin.
Këto lojra fjalësh të Gazit dhe Alibeajt, me sa kuptoj nuk duan të hyjnë në zgjedhje”, deklaroi Lesi.
