Kreu i Partisë Demokratike, Sali Berisha ka akuzuar kryeministrin Edi Rama për shkarkimin e Artan Lames nga drejtimi i Kadastrës vetëm sepse ai nuk pranoi të firmosë për projektin e Portit të Durrësit.
Nga Belshi, Berisha tha se Rama do të marrë 820 mijë metër katrorë nga Porti i Durrësit, për t’u kthyer në një “sheik” të Dubait.
Ish-kryeministri u ndal edhe tek inceneratorët dhe më konkretisht në kontrollet e ushtruara nga SPAK në shtëpitë e partneres së Arben Ahmetajt. Sipas Berishës, këto kontrolle janë bërë me urdhër të Ramës vetëm që të evitohet hetimi ndaj Ahmetajt, kryeministrit dhe Erion Veliajt.
“E shkarkoi Artan Lamen. Boll mëkate ka pasur, por një gjë e bëri, nuk firmosi për portin e Durrësit sepse ishte një vjedhje e tmerrshme që i jepet klanit të Ramës dhe Alabarit 820 mijë metër katrorë, i jepet Porti Shekullor që Rama të bëhet sheik, në një kohë kur ajo është pasuria publike numër 1 e shqiptarëve” Ndërkohë që është pasuria publike më e rëndësishme.
Ka futur drejtësinë në thes. E ka shndërruar drejtësinë në seksion të PS-së me ndihmën e George Sorosit. Merrni djegësat, 420 milionë euro. Edi Rama ka firmosur në shkelmim të ligjeve, të cilat nuk njohin negociatën e mbyllur. Negociata e mbyllur është vjedhje e mirëfilltë. Nuk bëhet ndryshe.
Në Elbasan, ky kryetari i bashkisë me taksat tuaja paguan dyfishin për plehrat. Derdhen në Shkumbin. 26 milionë euro taksa tuaja, janë shpenzuar për djegësin e Elbasanit. Janë në xhepat e qeveritarëve. Në Tiranë nuk ekziston askund të djegësit 120 milionësh. Qytetarët paguajnë 29 euro për ton plehra, sepse kjo është tarifa kur ato digjen. Plehrat vetëm depozitohen dhe paguhet një kostot prej 12 eurosh për ton. Drejtësia kontrolloon zonjën e Arben Ahmetajt, por ajo e bën atë për t’i hedhur hi syve për të mos hetuar Arben Ahmetajn, Ramën dhe Veliajn. Ajo merr urdhra ekzekutiv nga Edi Rama”, tha Berisha.
- Berisha prezantoi kandidatin e opozitës për bashkinë e Belshit, Bedri Qypin
Belshi ishte ndalesa e radhës e kryetarit të Partia Demokratike, Sali Berisha ku prezantoi kandidatin për kryetar bashkie, Bedri Qypi. Berisha tha se vota për kandidatin e opozitës, do të jetë votë për ndryshimin e madh që meritojnë qytetarët. Gjithashtu kryedemokrati tha se me votë në 14 maj do të frenohet edhe shpopullimi i vendit.
“Vij sot tek ju për të kërkuar mbështetjen tuaj, përkushtimin, sakrificën tuaj që në datën 14 maj ju të gjithë qytetarët, mbarë banorëte Dumresë të firmosni me votën tuaj, për kryetar bashkie, për qytetar të parë të Dumresë, të Belshit, mikun tuaj, qytetarin e nderuar tuajin, z. Bedri Qypi. Ju garantoj se, vota, besimi, mbështetja juaj për Bedriun do të jetë votë për ndryshimin e madh që ju meritoni, do të jetë shndërrimi i Bashkisë së Belshit në shtëpinë e vërtetë të parë tuajën. Do të jetë vendosja si qytetar të parë njërin prej qytetarëve më të vitytshëm në punëtorë më të ndershëm, njeriun që ju përfaqëson më mirë ju dhe banorët e kësaj bashkie.
Belshi, Elbasani, Shqipëria kanë sot nevojë jetike kanë sot ndryshimin, nevojë jetike aq sa ka zogu ajrin për të fluturuar. Kanë sot nevojë jetike ndryshimin në mënyrë që djem dhe vajzat, burrat dhe gratë e Belshit ti gjinden, ti japin një krah, mbështetje, vendit, bashkisë së tyre, ti japin një mbështetje Shqipërisë e cila po rrokulliset sot me shpejtësi marramendëse. Ti japin një mbështetje Belshit, Elbasanit dhe Shqipërisë, sepse ata po boshatisen si kurrë ndonjëherë në historinë e tyre”, vijoi ai.
- Berisha flet për shpopullimin e Shqipërisë
Berisha theksoi se kudo që shkon 30-40% e familjarëve, farefisit, kushërinjve, miqve të familjeve të demokratëve, socialistëve dhe paparti janë larguar nga Shqipëria.
Më tej ai shton se “në 8 vite janë larguar vetëm në hapësirën Shengen 937 mijë shqiptarë, nga të cilët 80% nën 30 vjeç. Këtu nuk përfshihen ata që janë larguar në SHBA, Kanada dhe vende të tjera. Në 8 vite nga Shqipëria janë larguar një milion‘.
“Belshi, Elbasani, Shqipëria kanë sot nevojë jetike kanë sot ndryshimin, nevojë jetike aq sa ka zogu ajrin për të fluturuar. Kanë sot nevojë jetike ndryshimin në mënyrë që djem dhe vajzat, burrat dhe gratë e Belshit ti gjinden, ti japin një krah, mbështetje, vendit, bashkisë së tyre, ti japin një mbështetje Shqipërisë e cila po rrokulliset sot me shpejtësi marramendëse. Ti japin një mbështetje Belshit, Elbasanit dhe Shqipërisë, sepse ata po boshatisen si kurrë ndonjëherë në historinë e tyre. Të dashur miq, kudo që shkoj 30-40% e familjarëve, farefisit, kushërinjve, miqve të familjeve të demokratëve, socialistëve dhe pa parti janë larguar nga Shqipëria. Na mungojnë, nuk i kemi dhe këtu jemi para një momenti të jashtëzakonshëm. Do të ju them vetëm një moment, në 8 vite janë larguar vetëm në hapësirën Shengen 937 mijë shqiptarë, nga të cilët 80% nën 30 vjeç. Këtu nuk përfshihen ata që janë larguar në SHBA, Kanada dhe vende të tjera. Në 8 vite nga Shqipëria janë larguar një milion.”- tha Berisha.
