Një ish-punonjësi i zyrës së Kadastrës në ish-komunën Dushk, në Fier, është arrestuar. Ai akuzohet se ka falsifikuar dokumenta për të ndryshuar kufijtë e disa pronave.
“Specialistët për Hetimin e Krimeve të Komisariatit të Policisë Lushnjë, në bashkëpunim me shërbimet e Policisë Kufitare Rinas, kapën dhe ndaluan shtetasin Agim Gjyla, 64 vjeç, banues në fshatin Dushk, Lushnjë. Ky shtetas ishte shpallur në kërkim, pasi Gjykata e Shkallës së Parë Lushnjë e ka dënuar me 1 vit burgim, për veprën penale ‘Falsifikimi i dokumenteve’”, njoftoi policia.
“Agim Gjyla, në vitin 2018, gjatë kohës që ka qenë punonjës i zyrës së Kadastrës në ish-komunën Dushk, ka falsifikuar disa dokumente, me qëllim për të ndryshuar kufijtë e pronave”, shtuan të njëjtat burime.
