Kandidati i Partisë Demokratike për bashkinë Elbasan, Luçiano Boçi zhvilloi një takim me anëtarë të forumit rinor të kësaj partie.
Gjatë bashkëbisedimit, Boçi u shpreh se bashkia e Elbasanit i urren të rinjtë, ndërsa premtoi se pas 14 majit, rinia do të jetë në vëmendje të veçantë të bashkisë.
Luçiano Boçi e cilësoi shpopullimin dhe largimin e të rinjve nga vendi si një plagë që duhet të marrë fund, ndërsa theksoi se nga Elbasani do të nisë ndryshimi i madh.
Në takim ishte i pranishëm dhe kryetari i FRPD-s, Besart Xhaferri, tregoi para të rinjve mbështetjen që Partia Demokratike i ka dhënë Elbasanit, ndërsa shtoi se kjo mbështetje do të vijojë me Luçiano Boçin në drejtimin e bashkisë së këtij qyteti.
Gjatë takimit me Luçiano Boçin, të rinjtë treguan disa nga shqetësimet kryesore të tyre, duke renditur si problem shqetësues punësimin dhe emigracionin.
