Dy vëllezër janë plagosur ditën e sotme në Tiranë në rrugën Gavrli D’Ara. Ata janë goditur me mjet shpues nga një person ende i paidentifikuar.
Policia po punon për identifikimin dhe kapjen e autorit, ndërsa dy vëllezërit janë në spital jashtë rrezikut për jetën.
“Më datë 11.03.2023, në rrugën “Gavrli D’Ara”, shtetasit A. K., dhe A. K., (vëllezër), janë konfliktuar me një shtetas ende të paidentifikuar, i cili dyshohet se i ka goditur me mjet shpues. Si pasojë e konfliktit, dy vëllezërit janë dëmtuar dhe ndodhen jashtë rrezikut për jetën. Punohet për identifikimin e kapjen e autorit.”-njofton policia.
Materialet i kaluan Prokurorisë, për veprime të mëtejshme procedurale.
