Një tjetër aksident i rëndë ka ndodhur këtë të premte në fshatin Rrakull të Kavajës. Brenda makinës tip “Golf” me targa “AA 045 SJ”, e cila përfundoi në kanal ishte shofere Rovena Cara, 30 vjeç, e cila ka ndërruar jetë.
30-vjeçarja ishte e martuar dhe kishte një fëmijë të vogël.
“Më datë 10.03.2023, në vendin e quajtur Përroi i Rikaj, Kavajë, shtetasja R. C., 30 vjeçe, duke drejtuar automjetin e saj, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë e aksidentit 30-vjeçarja ka ndërruar jetë në vendngjarje“, njofton policia.
