Kryetari i Partisë së Lirisë Ilir Meta ka reaguar nga selia e PL, në lidhje me raportin e Freedom House për Shqipërinë dhe Kosovën.
Meta shprehet se situata me korrupsionin dhe krimin e organizuar në Shqipëri vazhdon të përkeqësohet ndërsa shton se të rinjtë largohet mavishit duke mbajtur vendin e parë të azilkërkuesve që mbërrijnë me gomone në Britaninë e Madhe.
“Është shprehur në raportin e fundit për lirinë në botë. Ndërkohë për fat të mirë ashtu sikur TI dhe Freedom House vlerëson se Kosova pësoi një nga përmirësimet më të shquara në nivel global, Situata me korrupsionin dhe krimin e organizuar në Shqipëri vazhdon të përkeqësohet.
Këto faktorë tregojnë të gjithë indikatorët që vlerësojnë qeverisjen sepse shqiptarët po largohen masivisht nga vendi dhe janë të parët në Europë dhe botë në këtë drejtim. Pasqyrat në mediat britanike tregojnë se Shqipëria është i pari dhe i vetmi vend për kërkesat e azilit në vitin 2022.
Edhe për numrin e të kaluarve me gomone drejt Britanisë së Madhe, Shqipëria është e para. Ia kalon edhe vendeve shumë më të mëdha në botë dhe që janë në gjendje lufte si Afganistani, Iraku, Siria. Në krye të 10 vendeve që kanë aplikuar në Britaninë e Madhe është Shqipëria nën drejtimin e Edi Ramës”, tha Meta.
