Presidenti i Partizanit, Gazment Demi, e ka shijuar pamasë triumfin 2-0 në derbi kundër Tiranës.
Ora News mëson se për këtë sukses numri një i klubit ka vendosur të shpërblejë ekipin me 10 mijë euro dhe 1 pagë ekstra.
Demi takoi ekipin këtë të mërkurën përpara sancës stërvitore në kompleksin Partizani.
“Keni zhvilluar një paraqitje pozitive në derbi dhe dua tu përgëzoj të gjithëve. Ky bonus është për të treguar besimin që kam tek ju. Kërkoj të vazhdoni me këtë ritëm për të arritur objektivat sezonalë”, mësohet tu ketë thënë Demi futbollistëve.
Edhe njeherë tjetër Demi tregohet kavalier me ekipin e tij, ndërsa kjo premio shërben më tepër edhe si një injeksion për ekipin për të vazhduar serinë e fitoeve.
Ndeshja e radhës për Partizanin është kundër Vllaznisë në Shkodër, dhe pas zhgënjimit në Kupën e Shqipërisë të kuqtë kërkojnë revanshin.
Atmosfera në kampin e kuq është e shkëlqyer dhe të gjithë janë të karikuar për të dhënë maksimumin kundër Vllaznisë me objektivin e vetëm për të marrë tri pikët.
Pas javës së 24 të Abisnet Superiore, Partizani qëndron në krye të klasifikimit me 40 pikë, aq sa Tirana që ndjek nga pas.
