PSG e pëson sërish nga Bayerni i Mynihut që në 180 minuta meritoi kualifikimin në çerekfinale duke fituar me rezultatin e përgjithashëm 3-0 pas fitores tjetër në “Mundhen Arena” dy javë më pas, këtë herë me golat e Choupo-Moting dhe Gnabry.
PSG e pëson sërish nga Bayerni i Mynihut që në 180 minuta meritoi kualifikimin në çerekfinale duke fituar me rezultatin e përgjithashëm 3-0 pas fitores tjetër në “Mundhen Arena” dy javë më pas, këtë herë me golat e Choupo-Moting dhe Gnabry.
Ndeshje e çuditshme në Gjermani, me pak raste në pjesën e parë por më flagranti në këmbët e Vitinha-s që u shpërdorua ose më saktë u dogj nga këmba e djathtë e De Ligt që korrigjoi gabimin e Ian Sommer.
Momenti më kritik i ndeshjes ishte ky për Bayern Munchen që më pas u rikthye në fushën e lojës me një tjetër ritëm duke e kontrolluar më shumë ndeshjen për të mos i lënë hapësira Lionel Messit dhe Kylian Mbappe në hije.
Upamecano e bllokoi mjaft mirë francezin ndërsa në mesfushë argjentinasi nuk gjeti habitatin e tij natyral dhe gabimi që solli golin e parë, erdhi pikërisht nga këmbët e një mesfushori.
Verrati fali një top që ia rrëmbeu Goretzka dhe me një pasim të artë për sulmuesin kamerunas zhbllokoi ndeshjen. Shuplakë nga e cila PSG nuk e mori më vetën duke mos bërë asgjë për ta rihapur ndeshjen madje në fund pranoi disfatën me një gol tjetër të pësuar nga Gnabry.
Champions League përshëndetet nga dy yjet e botërorit ndërsa Bayern Munchen siguroin çerekfinalen e radhës me objektiv suksesin pas 3 vitesh mungesë pasi të fundit trofe gjermanët e fituan pikërisht në finalen me PSG në vitin e pandemisë 2020.
