Sot Lidhja Demokratike e Gruas do të protestojë në orën 10:30 për të drejtat e mohuara të grave e vajzave.
Lajmin e shpërndau kryetarja e LDGSH, deputetja Albana Vokshi në rrjetet sociale:
“Sot LDGSH proteston për të drejtat e mohuara të grave e vajzave! Ne sot do të jemi garante për çdo grua dhe vajzë që nuk flet dot hapur për një mijë e një arsye. Jemi protestojmë për çdo grua të dhunuar, për çdo nënë që i qan shpirti. Do jemi në këmbë për të protestuar, për të mbrojtur familjen tonë të përbashkët, për t’i dalë zot fëmijëve, familjes! Ora 10.30 Para Kryeministrisë”, përfundon njoftimi i saj.
- Protesta u zhvendos nga Kryeministria në drejtim të Ministrisë së Drejtësisë
Sot më 8 Mars, në Ditën Ndërkombëtare të Gruas, disa gra kanë zgjedhur të protestojnë edhe para ministrisë së Drejtësisë. Me pankartat në duar: “Duaje veten” “bota jemi ne”, dhe “dhuna është streha e fundit e dështakëve”, ato kanë bërë dhe një marshim simbolik para kryeministrisë.
“Dita e 8 marsit është një ditë proteste, ku duhet të dëgjohet zëri i gruas. Gruaja është burimi i gjithçkaje,në familje e shoqëri dhe në çdo aspekt të jetës”, u shpreh një gratë.
“Duaje veten” “Bota jemi ne”, “dhuna është streha e fundit e dështakëve”, kanë qenë disa prej pankartave me të cilat ato kanë marshuar para ministrisë së drejtësisë, duke kërkuar që të dëgjohet zëri i tyre.
“Vrasësi serial është liruar nga një gjykatës”, tha një nga gratë e pranishme në protestë. Jo më larg se një javë me parë Dan Hutra iu mori jetën tre grave dhe plagosi tre të tjera, duke iu lënë një plagë familjarëve të viktimave.
