Kryeministri britanik, Rishi Sunak në një konferencë për medita ka shpjegon detajet mbi planin e qeverisë për ndalimin e gomoneve dhe emigrantët ilegalë që hyjnë në Britani.
M një slogan “Ndaloni varkat e vogla”, Sunak bëri me dije se ky do të jetë fokusi kryesor për qeverinë, ndërsa po shkohet drejt zgjedhjeve të ardhshme të përgjithshme.
Ndërkohë më herët Sekretarja e Brendshme, Suella Braverman zbuloi legjislacionin që synon të dekurajojë emigrantët që të kalojnë ilegalisht Kanalin.
Sunak, i kthyer në Londër, nga një vizitë në një qendër kontrolli të përbashkët të Home Office në Dover, tha se politika është “e thjeshtë”.
“Është ky vend dhe qeveria juaj që duhet të vendosë se kush do të vijë këtu dhe jo bandat kriminale”, shtoi ai.
Ai thotë se numri i njerëzve që hyjnë ilegalisht në MB me varka të vogla është katërfishuar në dy vitet e fundit dhe se bandat kriminale që sjellin varka të vogla në brigjet e Mbretërisë së Bashkuar e dinë se sistemi aktual mund të shfrytëzohet, duke shtuar se emigrantët mund të paraqesin disa pretendimesh, sipas tij, “për të justifikuar largimin e tyre”.
Sunak përsëriti se njerëzit që mbërritën në Mbretërinë e Bashkuar ilegalisht do të largohen “brenda javësh” dhe do të marrin një ndalim të përjetshëm për të kërkuar azil, duke e krahasuar politikën me atë të Amerikës dhe Australisë.
“Situata aktuale nuk është as morale dhe as e qëndrueshme, nuk mund të vazhdojë. Është e padrejtë për britanikët që kanë hapur shtëpitë e tyre për refugjatët e vërtetë, por tani duhet të shpenzojnë gati 6 milionë funte në ditë për të vendosur emigrantët e paligjshëm në hotele”, deklaroi Sunak.
