Një 35 vjeçar, banues në Korçë, është arrestuar nga policia këtë të martë.
Blutë bëjnë me dije se ky shtetas ka ushtruar dhunë fizike dhe psikologjike ndaj gjyshit të tij, i cili është i pajisur me urdhër mbrojtjeje.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin P. F., 35 vjeç, banues në Korçë, pasi dyshohet se ka kryer veprime në kundërshtim me vendimin e Gjykatës, duke ushtruar dhunë fizike dhe psikologjike ndaj gjyshit të tij, i cili është i pajisur me urdhër mbrojtjeje.”, njofton policia.
Materialet procedurale i kaluan prokurorive të rretheve gjyqësore Korçë dhe Pogradec, për veprime të mëtejshme.
