Një aksident i rëndë ka ndodhur mbrëmjen e sotme në Tiranë.
Dy makina janë përplasur frikshëm me njëra-tjetrën në zonën e “5 Majit” pranë tregut të madh në kryeqytet. Si pasojë e përplasjes së fuqishme janë plagosur 5 persona të cilët u dërguan me urgjencë në Spitalin e Traumës. Njëri prej të plagosurve ndodhet në gjendje të rëndë.
Burime bëjnë me dije se mjeti tip ‘Volkswagen’ i ka prerë rrugën mjetit tjetër ‘Benz’, duke sjell edhe këtë bilanc të rëndë të të plagosurve.
Njoftimi i policisë:
“Më datë 06.03.2023, te kryqëzimi i rrugës “5 Maji”, janë përplasur automjetet me drejtues shtetasit K. R., dhe E. P.
Si pasojë e përplasjes është dëmtuar shtetasi K. R., dhe pasagjeria që ndodhej me të, si dhe 3 pasagjerët që ndodheshin në automjetin me drejtues shtetasin E. P., të cilët ndodhen jashtë rrezikut për jetën. Grupi hetimor po punon për sqarimin e rrethanave të aksidentit.”
Pamjet nga vendi i ngjarjes të publikuara nga “Boldnews.al”:
