Një grup personash të panjohur hynë dhe i vunë flakën një makine të patrullës së policisë që ndodhej në sheshin “Monastiraki” të Athinës, mbrëmjen e sotme.
Nga sulmi u plagosën lehtë dy police, të cilët u dërguan në Spitalin e Përgjithshëm Ushtarak 401 të Athinës.
https://youtu.be/KtJ-uuGcRYk
Ndërkohë gjatë mbrëmjes u regjistruan incidente në sheshin “Sintagma” të kryeqytetit helen, ku grupe njerëzish gjatë marshimit të protestës drejt Kuvendit për aksidentin e trenave në Tempi, hodhën bomba molotov, gurë dhe sende të tjera ndaj policisë, e cila u përgjigj duke përdorur gaz lotsjellës.
