Një 16-vjeçar ka denoncuar nënën e tij në polici pasi kjo e fundit e ka dhunuar.
Siç raportojnë mediat italiane, 16-vjeçari ishte përjashtuar nga shkolla, gjë që e ka acaruar nënën e tij e cila pasi ka mësuar lajmin e ka goditur me shuplakë. Ngjarja ka ndodhur në Padova.
Me shenjën e shuplakës në faqe, i riu shkon në polici dhe thotë se dëshiron të denoncojë nënën e tij për keqtrajtim. Kjo është hera e dytë që 16-vjeçari pezullohet nga shkolla. Ai dyshohet se është përfshirë në disa vepra penale, për vjedhje, shpërndarje droge dhe marrjen e mallrave të vjedhura. Me lajmin e një problemi tjetër, nëna e acaruar goditi djalin e saj.