Togat e zeza të Gjykatës së Apelit të Tiranës prej mëse një ore janë tërhequr për të marrë një vendim që do të diktojë fatin e “Vulës” së Partisë Demokratike dhe indirekt edhe zgjedhjet lokale të 14 majit.
Aktualisht, trupa gjykuese është tërhequr në Dhomën e Këshillimit për të marrë një vendim.
Sa i përket palëve në këtë proces përfaqësuesi ligjor i grupimit të Enkelekd Alibeaj ka kërkuar pushimin e vendimit të Shkallës së Parë, ose kthimin e çështjes sërish në Shkallën e Parë por me një trupë të re gjyqtarësh.
Ndërkohë, përfaqësuesi ligjor i Partisë Demokratike të drejtuar nga Seli Berisha, Ivi Kaso deklaroi se pala që ka paraqitur ankimimim, nuk legjitimohet për të bërë ankim dhe kërkoi rrëzimin e ankimimit.
Por ndërkohë që trupa gjykuese është tërhequr për të marrë vendimin, palët po presin në oborrin e Apelit në ankth, për të mësuar se kujt do t’i jepet e drejta të hyjë në zgjedhje me logon dhe Vulën e PD.
Të dy palët janë në pritje në të njëjtin ambient, por të ndarë nga njëri-tjetri, siç shihet edhe në fotot e mëposhtme.
Indrit Sefa qëndron me ndihmësit e tij, ndërsa pak më larg tyre ndodhet Ivi Kaso me Oerd Bylykbashin dhe të tjetrët.
Ndërkohë në derën e Gjykatës së Apelit është vendosur një pankartë ku shkruhet: “Pa pluralizëm nuk ka demokraci”.
Vendimi i Apelit gjithashtu po pritet me ankth nga demokratët që janë stacionuar në kafenenë që ndodhet brenda selisë blu.
Vëmendja e tyre është tek kjo çështje dhe për asnjë moment nuk e shkëpusin shkimin nga televizioni ku do të anuncohet vendimi.
