Kreu i Agjencisë për Media dhe Informim, Endri Fuga ka njoftuar dorëheqjen nga ky post.
Fuga shkruan në rrjetet sociale se do të përqëndrohet në fushatën e zgjedhore të PS, dhe ndonëse ligji nuk e pengon vendos, që gjatë kësaj periudhe, të dorëhiqet nga drejtimi i Agjencisë për Media dhe Informim.
“Nga dita e sotme une do te perqendrohem ne fushaten zgjedhore te PS. Ndonese ligji nuk e pengon, nuk do te ishte e ndershme qe teksa angazhohem ne fushaten e nje partie politike te vazhdoja te drejtoja edhe Agjencine per Media dhe Informim, ndaj kam dhene doreheqjen nga kjo detyre. Nderkohe qe bashke do te vazhdojme te komunikojme per te gjitha ceshtjet qe lidhen me fushaten dhe Partine Socialiste, kontaktet me ju nga ana e MIA do i mbaje Manjola Hasa.”– shkruan Fuga.
Sakaq në këtë post është caktuar Alteo Hysi që mbante postin e zëvendësdrejtorit të përgjithshëm i Agjencisë për Media dhe Informim.
***
URDHËRI
Nr. 18, datë 28.2.2023 PËR DELEGIM KOMPETENCE
Në mbështetje të neneve 28 dhe 29, të ligjit nr. 44/2015, “Kodi i Procedurave Administrative i Republikës së Shqipërisë”,
URDHËROJ:
- Delegimin e kompetencave z. Alteo Hysi, zëvendësdrejtor i përgjithshëm i Agjencisë për Media dhe Informim, për të gjitha procedurat që lejon ligji, për aq sa është e mundur dhe në përputhje me legjislacionin në fuqi.
- Kompetencat e deleguara do të ushtrohen për periudhën nga data 28.2.2023 deri në datën 31.12.2023.
- Për zbatimin e këtij urdhri ngarkohet z. Alteo Hysi, zëvendësdrejtor i përgjithshëm i Agjencisë për Media dhe Informim.
- Ky urdhër hyn në fuqi menjëherë dhe botohet në Fletoren Zyrtare.
DREJTOR I PËRGJITHSHËM Endri Fuga