Kryeministri Edi Rama ka braktisur sërish sallën e Kuvendit.
Ditën e sotme në seancën plenare është parashikuar mocioni me debat mes Edi Ramës dhe opozitës për implikimin e kryeministrit në aferën “McGonigal”.
Kreu i qeverisë shqiptare u justifikua për rreth 45 minuta madje shpesh herë Rama shpërtheu me akuza ndaj opozitës duke përdorur strategjinë e sulmit ndaj opozitës dhe minimizimit të skandalit duke thënë se nuk ka asnjë komprometim që i përmendet emri 14 herë në dosje.
Pas fjalës, Rama befasoi të gjithë deputetët e opozitës pasi vendosi që sërish të braktisë Kuvendin ashtu siç ka bërë dy muajt e fundit. Menjëherë pas largimit të tij, Berisha dhe deputetët e tjerë të opozitës u revoltuan dhe u çuan në këmbë.
Rama: Tani vazhdoni vetë, unë po iki…(përshëndet me dorë si ushtarak)
Berisha: Hajde këtu o palaço ku po shkon?! Hajde të përballesh me akuzat
