Ndaj Vllaznisë, të kuqve u kthehen pjesa më e madhe e lojtarëve që nuk ishin ndaj Kukësit dhe opsionet e zgjedhjes për trajnerin Kolela shtohen çdo ditë e më shumë.
Eljon Sota e ka kaluar dëmtimin dhe mund të ketë minuta nesër, ndërkohë që Andi Hadroj pritet të startojë. Nga ana tjetër, Paulo Buxhelaj është rikuperuar dhe ka zhvilluar normalisht stërvitje me pjesën tjetër. Sabit Bilali gjithashtu është një opsion për sfidën me shkodranët.
Në stërvitjen e djeshme të zhvilluar në orën 11:00, Kolela ka provuar disa skema e rreshtime dhe ka tentuar ta ambientojë skuadrën në situata të ndryshme. Gjithsesi, shanset më të madhe janë që me Vllazninë ta nisë me katër mbrojtës.
