Kryetari i Partisë Aleanca Kosova e Re, Behgjet Pacolli, ka bërë me dije se shumë shpejt dy shtete të mëdha do të njohin pavarësinë e Kosovës.
Pacolli u shpreh se aktualisht këto dy shtete e njohin pasaportën e Kosovës dhe shtoi se emrat do të bëhen publike në ditët në vijim.
“Sot mund t’iu them se kam dy njohje kualitative të shteteve që e njohin pasaportën e Kosovës. Nuk kam dashur ta bëj publike dhe ato shumë shpejt do të bëhen publike. Këto shtete, të cilat e njohin pasaportën e Kosovës, presin që delegacionet nga Kosova të shkojnë të ulen dhe të lidhin marrëdhëniet diplomatike.
Nuk mund t’i them tani, por kjo është shumë e vërtetë, ka ndodhur në 10 ditët e fundit. Janë dy njohje kualitative, dy shtete të mëdha dfe besoj se shumë shpejt do të keni edhe emrat”, theksoi ai në një intervistë të dhënë për “Euronews”.
