Një 23-vjeçar shqiptar është përfshirë në një aksident të rëndë në Kroaci.
Mësohet se 23-vjeçari, ka mbetur i plagosur pasi mjeti Honda me targa sllovene që drejtonte është përplasur me një kamion në rrugën shtetërore D-59 në afërsi të Raduçiqit.
Si pasojë e goditjes, shoferi 23-vjeçar ka pësuar lëndime të rënda fizike, ndërsa pasagjeri, një shtetas shqiptar 20 vjeç ka pësuar lëndime të lehta dhe të dy janë dërguar për mjekim në Spitalin e Përgjithshëm Knin.
Kujtojmë se dje një autobus shqiptar, brenda të cilit ishte pasagjerë shqiptarë u përfshi në një aksident të rëndë, ku për pasojë 1 person humbi jetën dhe 9 u plagosën.
