Gjykata e Apelit do të shqyrtojë më 3 mars çështjen për të drejtën e vulës së Partisë Demokratike.
Politologu Ilir Kalemaj thotë në MCN live se ky është një vendimi i pritshëm i gjykatës më 3 mars. Sipas tij, e gjithë kjo çështje në gjykatë mund të mos jetë finale, teksa vula e PD, rrezikon të kthehet në shkallë të parë.
“Nëse gjykata nuk vendos në favor të z.Berisha, ai mund të thotë që ne dolëm aty sepse ne e dinim këtë vendim që ishte marrë në bashkëpunim me Ramën, dhe prandaj ne i paraprimë vendimit dhe dolëm në protesta të organizuar.
Në të dyja rastet mendoj është një lloj autogoli i opozitës, thjesht të të bërit presion ndaj vendimit të Gjykatës. Ose çështja nuk do duhej të ishte lënë deri këtu, pavarësisht se nuk ishte thjesht në dorën e opozitës, sepse disa nga zvarritjet ishin bërë edhe nga pala e Alibeajt.
Mund të mos jetë finali sepse mund ta rikthejnë në shkallë të parë dhe ta vonojnë si proces, dhe kjo gjë është natyrisht në disfavorin e opozitës, përfshirë palën Alibeaj, që nënkupton natyrisht se opozita nuk do të marri pjesë në zgjedhje, me çfarë sigle do të marrin pjesë në zgjedhje, apo do regjistrohet vetëm pala e Alibeaj me logon e PD-së”.
Kalemaj thotë se teksa zgjedhjet vendore afrohen kemi një sigël pa kandidatë dhe në anën tjetër një elektorat pa sigël.
“Nuk po nxjerr dot kandidat, me të drejtë deri tani se pengonte asgjë Alibeaj të dilte me 61 kandidatë, fakti që ka nxjerrur vetëm 15 kandidatë, sepse s’po gjen dot kandidatë.
Pra, kemi një sigël por pa kandidatë, pa elektorat, nga ana tjetër kemi elektorat por pa sigël, pra këtu është ajo dikotomia që po krijohet që është në dëm të demokracisë në këtë rast, të balancës dhe kontrollit reciprok të pushteteteve sepse kemi një ekzekutiv që kontrollon gjithçka”.
Kalemaj vlerëson se e gjithë kjo vonesë është edhe në dorën e mazhorancën e cila po tregon frikën përpara zgjedhjeve, duke përdorur mekanizma të ndryshëm për të bllokuar opozitën përpara zgjedhjeve vendorë të 14 majit.
“Unë mundohem të rrok kuptimin ose arsyen e mazhorancës për mos të mos lejuar përmes artificave ligjor opozitën të regjistrohet në këto zgjedhje.
Sepse janë dy hipoteza, ose është mazhoranca përmes levës së gjykatës nuk lejon opozitën duke i djegur afatet kushtetuese ose gjyqtarët vet ofrohen te mazhoranca, pra nuk është se i ka detyruar Rama por për fakte të tjera, mund të jenë në proces vetingu, etj, mund ti bëjnë këtë nder ekzekutivit, kjo është hipoteza.
Nëse ata thotë që opozita është e përçarë, jo Berisha non grata, atëherë pse nuk e lejojnë të hyj ne garë e ta fitojnë vet në mënyrë plebishitare.
Tregon që ka një frikë, që ka një mekanizëm që do të bllokojë opozitën”.
