Aksidenti masiv që ndodhi në zonën e “Shallvareve” në Tiranë mesditën sotme, ka shkaktuar tronditje te shumë qytetarë dhe kalimtarë të zonës.
Sipas informacioneve mediatike. shoferi i autobusit Agron Xhafa, 63 vjeç, ka deklaruar, se nuk ndihej mirë në momentin që ndodhi aksidenti. Ai ka treguar se vuan nga diabeti dhe zemra. Nga verifikimet ka rezultuar se autobusi nuk ka ndaluar për të zbritur apo për të marrë pasagjerë në stacion, por ka qënë në lëvizje.
Në spital deri tani po marrin shërbim mjekesor 9 pacientë, me gjendje shëndetësore stabël, jashtë rrezikut për jetën.
Ndërkohë, në një prononcim për mediat ka folur edhe një nga qytetarët që ndodhej në urban.
Sipas tij shoferi nuk ishte i dehur, por që i kishte rëndë tensioni pasi e kishte parë t’i përplasej koka në timon.
“Ati i ra tensioni, i iku koka poshtë. Nuk ishte me shpejtësi, por i iku nga kontrolli. Mirë që shpëtuam aty brenda se u rrotulluam si bostona. Dolëm lehtë nga urbani se u hapën dyert. Shoferi ishte te 60 vjeç. I iku koka, nuk kishte pirë alkool. Pak u lënduan njerëzit, u lënduan lehtë me pak gërvishje”, tha qytetarai që ndodhej në Urbanin e Unazës kur ndodhi aksidenti.
Kujtojmë që rreth orës 11.30 një aksident masiv u shënua pranë urës së Tajvnit, ku Urbani i Unazës u përplas me disa mjete. Nga ngjarja raportohet se kanë mbetur të plagosur tre persona. Hetimet vijojnë për aksidentin, ndërsa pritet që të gjithë shoferët e përfshir ënë aksident t’i nënshtrohen testit të alkoolit.
Njoftimi i policisë:
Tiranë/ Informacion shtesë
Në vijim të informacionit paraprak të dhënë pak minuta më parë, ku rreth orës 11:35, në vendin e quajtur “Ura e Tajvanit”, një autobus i linjës së Unazës është përplasur me disa automjete, ju sqarojmë se:
Si pasojë janë dëmtuar shtetasit: A. Xh., 63 vjeç, (drejtuesi i autobusit), M. S., 35 vjeçe; G. P., 27 vjeç dhe V. P., 27 vjeç; O. G., 52 vjeç dhe J. C., 31 vjeçe, D. N., 27 vjeç, K. A., dhe E. H., të cilët ndodhen nën kujdesin e mjekëve.
Pas testit të alkoolit, drejtuesi i autobusit nuk ka rezultuar nën efektin e pijeve alkoolike.
Në vendngjarje ndodhen shërbimet e ambulancës dhe shërbimet e Policisë.
Grupi hetimor po punon për zbardhjen e rrethanave të aksidentit.
