Aksidenti masiv që ndodhi tek “Shallvaret” mesditën e sotme ka shkaktuar kaos dhe tmerr tek shumë qytetarë e kalimtarë të zonës. Në aksidentin e rëndë u përfshi autobusi i “Green Line” dhe disa makina. Nuk dihet ende sa sa persona kanë qenë në autobus, por raportohet për shumë të plagosur.
Një prej shoferëve të automjeteve që është përfshirë në aksidentin e rëndë ka folur para gazetarëve. Ai tregoi se ishte i shokuar pas përplasjes dhe se në fillim nuk e kuptoi se çfarë ndodhi.
Ai tregon se pa që në autobus kishte shumë pasagjerë të plagosur, ndryshe nga ç’raporton policia e cila njofton se ka vetëm 3 persona.
“Dola mora pak veten, se nuk e kuptova çfarë ndodhi, vetëm mbaja këmbën në frena. Me sa pash në autobus kishte shumë të plagosur. Shoferi i autobusit ishte shumë i tronditur. Tek të 60-at ishte, e pashë që ishte i shokuar, a ishte me alkool, a me tension, a me zemër, ta shofim”, tha ai.
