Eksperti rrugor Arben Luzi ka komentuar në Panorama TV aksidentin e rëndë që ndodhi në kryeqytet ku një autobus u përplas me disa makina dhe disa qytetarë u lënduan, duke thënë se ka shumë pikëpyetje për t’u zgjidhur.
Luzi u shpreh se drejtuesi i autobusit nuk ka marrë masa për të ndaluar në stacion, megjithëse shtoi se hetimet do të tregojnë të vërtetën e ngjarjes.
Gjithashtu, ai ngriti shqetësimin se drejtuesit e mjeteve që punojnë në transportin publik duhet të bëjnë dhe teste të tjera.
“Nuk janë marrë masa, në fund të hetimet do të them por doja të veçoja se dhe radhën e parë drejtimi i një mjeti të këtij tipi bëri që të rrezikohet jeta dhe shëndeti i qytetarëve. Në këtë rast aty duket që drejtuesi i autobusit nuk ka marrë masa për të ndaluar në stacion. Ka shumë pikëpyetje aty për t’u zgjidhur sidomos është autobusi, është mjeti përpara autobusit që i ndërpritet korsia por duket sikur autobusi ka goditur mjetin që është nga mbrapa këtij mjeti.
Pra do të zgjidhet kjo duke vendosur mjetet duke i kthyer në kohë mbrapa, kjo është detyra e specilalistëve për të drejtuar edhe njëherë mekanizmin se janë të turbullta megjithatë unë do të veçoja një shqetësim qytetar jo vetëm si ekspert, që drejtuesit e mjeteve të shërbimit publik u ka ardhur koha të kalojnë një test tjetër. Të testohen mund të ketë edhe humbje të vetëdijes, mund të ketë hipertension, mund të jetë me diabet, është një veprim që ndodh rëndom, nuk ka shpjegim se si i godet mjetet rresht s’më duket normal si aksident këto janë mjetet hibride dhe gjenerimine tyre këta e bëjnë me një shpejtësi deri në 20 km orë”, tha ai.
