Kryetari i Partisë Demokratike, Sali Berisha, ka publikuar një video nga protesta e zhvilluar në Bërxullë, ku një qytetare shprehet se ministrja e Energjetikës, Belinda Balluku, “ha biftekë nga 1 milionë lekë”, ndërsa kryeministri Rama ha “dreka nga 10 mijë euro”, teksa vetë ata nuk kanë ushqim të mjaftueshëm.
Përmes një postimi në rrjetin e tij social fb, Berisha bën thirrje që të ndalet terrori ndaj banorëve të Bërxullës, që nuk kanë bërë gjë tjetër veçse kanë mbrojtur pronat e tyre.
Statusi i kreut të PD:
Stop terrorit ndaj banorëve trima të Bërxullës që mbrojnë pronat e tyre!
Banorja e Bërxullës: Rama shtron dreka nga 10 mln lekë, Belinda ha biftek 1 mln lekë!
Banorët e Bërxullës kanë protestuar kundër ndërtimit të aksit Thumanë-Kashar me pretendimin se pronat e tyre nuk po vlerësohen ashtu si duhet.
