Një aksident me vdekje ka ndodhur pak më parë në aksin rrugor Elbasan-Cerrik.
Blutë bëjnë me dije se një 41 vjeçar duke drejtuar një automjet tip “BMW”, ka përplasur një 33 vjeçar, i cili ka ndërruar jetë rrugës për në spital.
“Në aksin rrugor Elbasan-Cërrik, shtetasi O. H., 41 vjeç, banues në Belsh, duke drejtuar automjetin tip “BMW”, ka aksidentuar shtetasin N. B., 33 vjeç, banues në Cërrik, (këmbësor)
Si pasojë shtetasi N. B., ka ndërruar jetë, gjatë transportimit me ambulancë.
Drejtuesi i automjetit, shtetasi O. H. është shoqëruar në Komisariatin e Policisë për veprime të mëtejshme”,- sqaron policia.
Grupi hetimor ndodhet në vendngjarje dhe po punon për zbardhjen e rrethanave të aksidentit.
