Një vatër aktive zjarri është regjistruar në Vlorë.
Mësohet se është përfshirë nga flakët një kodër në fshatin Dukat, duke djegur shkurre dhe bimësi.
Flakët mendohet të jenë vendosur nga barinj në zonë teksa po favorizohen nga era duke marrë përmasa të mëdha. Zjarri rrezikon të kalojë në krahun tjetër të malit ku ndodhet dhe fshati Tragjas i Vjetër.
Bëhet me dije se është vështirë ndërhyrja nga forcat zjarrfikëse për shkak të terrenit të vështirë.
