Orges Shehi ka dilema për sfidën me Teutën për sa i përket formacionit. Ai po mendon nëse do të luajë me tre apo katër mbrojtës. Një e fshehtë për trajnerin, që duhet të menaxhojë skuadrën jo vetëm për durrsakët, por edhe për sfidën derbi me Partizanin.
Bardheblutë duhet të menaxhojnë forcat, sepse kanë përpara tri ndeshje të rëndësishme, që mund të vendosin shumë për sezonin, pas luhet titulli dhe Kupa e Shqipërisë brenda një jave.
ME 3-5-2 – Formacioni që Shehi ka kohë që mendon dhe që e ka zbatuar është ai me tre mbrojtës. Në fushë janë Najdovski, Lulaj dhe Behiratçe. Në mesfushë sakrifikohet Toshevski, që nuk luan, ndërsa edhe Hila kap stolin në ndeshjet e zakonshme, ndonëse në fushë do të jetë ndaj Teutës për shkak të mungesës së Aleksit.
Nga krahët janë Haxhiu dhe Përgjoni, ndërkohë në qendër të mesfushës Deliu, Lushkja dhe Hila nëse nuk është Aleksi. Edhe në sulm ka një lojtar të sakrifikuar. Nikqi ose Patrik mund të jenë në stol, ndërsa titullari tjetër është Florent Hasani. Kjo do të varet nga zgjedhja që do të bëjë Orges Shehi.
ME 4-3-3 – Me katër mbrojtës sërish ka dilema. Së pari, Shehi do të aktivizojë Behiratçen titullar në krah të Najdovskit. Alternativë është edhe Lulaj. Varet nga gjendja e lojtarëve. Në të djathtë është Haxhiu titullari i skuadrës, me Toshevskin del rezervë. Majtas Përgjoni është i vetmi titullar.
Mesfusha me tre: Deliu, Lushkja dhe Hila, nëse nuk është Aleksi. Në sulm skuadra tani ka disa ndryshime. Nikqi do të luajë titullar në qendër, ndërkohë nga krahët Hasani dhe Patrik. Gjithsesi, me kthimin e Abazajt mund të ketë lëvizje të tjera.
