Në studion e “të paekspozuarit” të Ylli Rakipit, kryetari i Partisë së Lirisë Ilir Meta, foli për paraqitjen e tij në SPAK dy ditë më parë dhe ku u deklarua se foli për çështjen CEZ DIA. Meta tha se do të paraqitet në prokurori sa herë që të thirret dhe se është krenar për të gjitha kallëzimet që ka bërë atej.
Meta u shpreh se do të paraqitet me kënaqësi në SPAK sa herë të jetë e nevojshme.
“Sa herë të më thërrasë SPAK do shkoj. SPAK krenohet sot me denoncimet dhe kallëzimet e mia dhe të Partisë së Lirisë. Mendova se isha thirrur në cilësinë e kallëzuesit për disa nga aferat e rënda që kam kallëzuar. Sa i përket cështjes për të cilën u thirra, kam zero shqetësim sepse s’kam asnjë lidhje.
Kjo çështje CEZ DIA nuk ka asnjë lidhje me Ilir Metën sepse kur është lidhur kjo marrëveshje nuk kam qenë unë ministër.
U thirra thjesht si deklarues. Nuk ka dhe nuk mund të ketë asnjë shkresë dhe asnjë dokument që Ilir Meta të ketë cënuar një interes publik. Zero.
Drejtësia nuk duhet të bëjë gabimin që bëri një gjykatës. Të cilit i premtuan që do ta bënin kryetar të Gjykatës Kushtetuese. E përdori, e përdhosi për të shkelur dinjitetin e Gjykatës Kushtetuese.
