Një person i shpallur në kërkim lidhur me ngjarjen e 1 Nëntorit 2019 te mbikalimi i Shkozetit, kur u vra në një atentat Andi Maloku dhe u plagosën prokurori Arjan Ndoja dhe Aleksandër Laho (Rumi), është arrestuar në Abu Dhabi.
Në pranga u vu Amar (Dritan) Shkëmbi.
Arrestmi
Burime zyrtare nga policia konfirmuan këtë të Enjte se Shkëmbi u arrestua me qëllim esktradimin drejt vendit tonë:
“Mbi bazën e informacioneve të marra nga Policia e Shtetit, homologët e Emirateve të Bashkuara Arabe kanë organizuar dhe finalizuar operacionin policor të koduar ‘Abu Dhabi’, në kuadër të të cilit u bë kapja dhe arrestimi me qëllim ekstradimi drejt vendit tonë, i shtetasit: Amar (Dritan) Shkëmbi., 39 vjec”.
Ndaj tij, GJKKO ka caktuar masën e sigurisë “Arrest në burg”, për veprat penale “Vrasja e funksionarëve publikë”, mbetur në tentativë, “Vrasja në rrethana cilesuese”, “Mbajtja pa leje dhe prodhimi i armëve luftarake dhe i municionit, “Grup i strukturuar kriminal” dhe “Kryerja e veprave penale nga grupi i strukturuar krininal”.
Atentati dhe të arrestuarit e tjerë
Në 1 Nëtor 2019, në autostradën Durrës-Tiranë, pranë mbikalimit të Shkozetit, është qëlluar me armë ndaj makinës në lëvizje ku ndodheshin prokurori i Durrësit Arjan Ndoja, Aleksandër Laho i njohur si Rumi dhe Andi Maloku, shoferi i magjistratit. Nga të shtënat, Maloku humbi jetën, ndërsa Ndoja dhe Laho u plagosën.
Fillimisht për ngjarjen u arrestuan dhe u lanë nën arrest me burg Redjan Rraja dhe Artiol Halilaj. Disa javë më parë erdhi vala e dytë e arrestimeve lidhur me ngjarjen. Në Janar, u vunë në pranga Bashkim Haxhiaj; 54 vjeç; Marsel Deçka; 38 vjeç; Kili Nerjaku alias Genti Ndërjaku, 40 vjeç; të tre banues në Durrës; si dhe Endrit Sinani, 29 vjeç dhe Juljan Pjetri, 45 vjeç, të dy banues në Tiranë.
Ndërsa në kërkim, bashkë me Amar Shkëmbin u shpallën Plarent Dervishaj, Julian Meçaj dhe Ramazan Rraja.
Ndaj të gjithë këtyre personave, GJKKO ka caktuar masën e arrestit me burg.
Sipas akuzës, ishte pikërisht Plarent Dervishaj urdhërues i atentatit te mbikalimi i Shkozetit. Dyshohet se mes tij dhe Aleksandër Llahos, kishte përplasje. Konflikti mes palëve dyshohet se u agravua pas atentatit që iu bë Dervishajt në Durrës në Qershor 2019, kur makina me të cilën lëvizte u qëllua me armë zjarri.
Roli i “Badit”
Amar (Dritan) Shkëmbi, djali i një ish-efektivi policie, sipas dosjes hetimore njihej edhe si “Badi”.
Ai ishte pjesë e grupit që nisi punën për për të krijuar kushtet për të realizuar atentatin.
Në dosjen hetimore që prokuroria ka dërguar në gjykatë, zbardhen edhe përgjime mes antarëve të grupit, që hedhin dritë edhe në ndjekjen për katër ditë me radhë që grupi, i kishte bërë makinës së prokurorit Ndoji, deri në ditën e atentatit.
Lexo edhe:
Rraja ekzekutori, si u ndoq Ndoji/ Përgjimet: ‘Fshatari’ tha s’i shkojmë dot mbrapa
