Një auditim i kryer nga Kontrolli i Lartë i Shtetit në Agjencinë Kombëtare të Pyjeve nxjerr në pah keqmenaxhimin e sektorit për shkak të mungesës së akteve nënligjore, mbivendosjes së kompetencave, si dhe mangësi të theksuar në të dhëna që lidhen me fondit pyjor.
Sipas KLSH janë 18 VKM dhe udhëzime që nuk janë miratuar sikurdse është: udhëzimi për klasifikimin e pyjeve; për rastet e dhënies në përdorim dhe për ndryshimin e kategorisë së përdorimit të sipërfaqeve në volum nga fondi pyjor kombëtar; për kundërvajtjet administrative dhe inspektimin, etj.
Gjithashtu, nga audtimit rezultoi se Agjencia Kombëtare e Pyjeve është jashtë sistemit të inspektimit, kryesisht për shkak se nuk janë unifikuar me Inspektoratin Qendror praktikat e kontrollit dhe inspektimit në fondin pyjor kombëtar. Në lidhje me procesin inventarizimit të fondit pyjor konstatohet se inventari i fundit i përket vitit 2018 e për rrjedhojë rezulton se nuk ka nisur cikli i radhës 8 – vjeçar i riinventarizimit kombëtar të pyjeve, në kundërshtim me legjislacionin në fuqi.
Nga krahasimi i inventarëve 2003-2018, nga vëllimi total drunor, është hequr për 15 vjet një vëllim prej 32.9 mln m3 (përfshi materialin drusor te djegur nga zjarret ne pyll), pra 2.2 mln/m3/vit, ose dyfishin e mundësisë vjetore të shfrytëzimit. Ndërkohë që, Regjistri Kombëtar i Fondit Pyjor (RKFP) nuk është i plotë, pasi në këtë fond pyjor nuk janë të pasqyruara ato sipërfaqe pyjorë të cilat i kanë kaluar në pronësi Ministrisë së Turizmit dheMjedisit përgjatë vijës bregdetare Shkodër –Fier.
Paralelisht, pjesa më e madhe e bashkive nuk kanë miratuar planet e mbarështimit të pyjeve. KLSH ka dhënë edhe një sërë rekomandimesh, duke nisur që nga kërkesa për miratimin e akteve nënligjore e deri të bashkëpunimi me Ministrinë e Turizmit dhe Mjedisit dhe me Inspektoratin Qendror, për të marrë masa për unifikimin e praktikave të kontrollit dhe procesit të inspektimit në fondin pyjor.
/Tv Scan/
