Turqia është goditur pasditen e sotme nga një tjetër tërmet me magnitudë 6.4 ballë.
Në media po qarkullojnë disa video ku shihet sesi njerëzit, ende pa marrë veten nga tërmetet e para janë tronditur nga dy lëkundje të njëpasnjëshme të tokës. Në video dëgjohen njerëz të cilët të frikësuar ulërasin dhe qajnë, ndërsa vrapojnë për të shpëtuar nga shembja e pallateve.
Një nga tërmetet ndodhi rreth orës 20:04 me orën lokale, me magnitudë 6.4, ndërsa tjetri tre minuta më vonë, me magnitudë 5.8 ballë. Tërmeti i parë ndodhi në një thellësi prej 16.7 kilometrash (10.4 milje), ndërsa i dyti në një thellësi prej 7 km (4.3 milje). Të dy janë ndjerë në zonat përreth.
