Eksperti i arsimit, Qemal Çejku, i ftuar në “SYRI TV”, ka folur për vendimin e fundit të Ministrisë së Arsimit për të bërë pjesë të mësuesve, profesionet e tjera të përafërta, të cilët mund të fillojnë punë në shkollat e vendit dhe të japin mësim.
Sipas Çejkut, me këtë udhëzim ne kemi dal jashtë ligjit dhe se brenda një shkolle sipas ministres kemi një kolektiv mësuesish të cilët janë të padrejtë.
“Të themi që po bëhet një reformë arsimore në Shqipëri është e pamundur ta themi dhe është e vështirë ta besojmë, por të luash sot me arsimin është problematika më e madhe që mund të ndodhë.
Me këtë udhëzim ne kemi dal jashtë ligjit. Në Shqipëri kemi në fuqi ligjin e vitit 2012 që e kemi masakruar një mijë herë dhe tani të vazhdojmë të vendosim standarde të tjera brenda një shkolle është shumë e thjeshtë. Brenda një shkolle sipas ministres kemi një kolektiv mësuesish të cilët janë të padrejtë. Brenda një shkolle mund të ndodhi që 3 nga mësuesit që kanë ardhur të rinj të mos vijnë nga sistemi që kanë ardhur të gjithë mësuesit, pra të mos kenë një praktikë profesionale reale, një provim shteti dhe një ecje reale si të gjithë mësuesit.
Sipas ministres, vjen një me gjysëm master që nuk është master pra me 30 kredite një simestër, dhe për të marë provimin e shtetit si mund ta marri ky mësues.”, është shprehur Çejku.
