Gjatë ditës së djeshme Drejtoria e Tatimeve ka bërë publike një video të siguruar nga kamerat e një biznesi ku tregohet një person, i cili megjithëse nuk është i punësuar në strukturat e Administratës Tatimore është paraqitur si Inspektor Tatimesh në këtë biznes.
Shtetasi i identifikuar si Altin Ballkoçi i cili i vendoste gjoba bizneseve rezulton si i përfshirë në listën e patronazhistëve të Partisë Socialiste. Ballkoçi është një anëtar i devotshëm i rilindjes biles një propagandues i fortë i saj i prezantuar me bujë nga Taulant Balla kur menaxhonte politikisht rilindjen e Elbasanit.
Në vitin 2021, kur sapo u anëtarësua në Partinë Socialiste, Syri.net shkruan se ai ka filluar punë në Drejtorinë Rajonale të Tatimeve në Elbasan. Dhe pasi është larguar nga tatimet është punësuar në Drejtorinë e Emergjencave Civile në Bashkinë e Elbasanit.
Por kartën e ‘tatimorit’ nuk e ka dorëzuar, duke e përdorur për të shkuar tek bizneset dhe duke u vënë gjoba. Vetë DPT ka sqaruar se ka marrë të gjitha masat duke e referuar rastin e paraqitur në këtë video në Prokurorinë e Tiranës teksa ka bërë thirrje që të denoncohet personi në fjalë nga ata që e njohin apo përballen me të.
Në foton më poshtë “tatimori” i rreme dhe patronazhisti i vertetë i rilindjes eshte ne mtingun e Ramës më 21 tetor:
Në 2021, Altin Ballkoçi sapo u anëtarësua në Partinë Socialiste:
