Drejtoria e Përgjithshme e Tatimeve njofton se ka identifikuar disa persona që mashtrojnë bizneset duke u prezantuar si punonjës tatimorë edhe pse nuk janë të punësuar në strukturat e Administratës Tatimore.
Tatimet kanë shpërndarë edhe një video të një prej rasteve të siguruara nga kamerat e biznesit, ku duket një person i cili është paraqitur si Inspektor Tatimesh, por që në të vërtetë nuk është.
DPT sqaron se ka marrë të gjitha masat duke e referuar rastin e paraqitur në video, në Prokurorinë e Tiranës
“Duke marrë shkas nga denoncimet e disa bizneseve tatimpaguesve, viktima të mashtrimit nga individë, që nuk janë punonjës të Administratës Tatimore, por që prezantohen në subjekte si të tillë, DPT sqaron se ka marrë të gjitha masat duke e referuar rastin e paraqitur në video, në Prokurorinë e Tiranës.
Në video një prej rasteve të siguruara nga kamerat e biznesit, pamjet e të cilave tregojnë personin në fjalë, i cili është paraqitur si Inspektor Tatimesh.
Inkurajojmë çdo tatimpagues të japë kontributin e tij për të denoncuar rastet abuzive me qëllim mbrojtjen e të drejtave të tyre!”- njofton Drejtoria e Përgjithshme e Tatimeve.
