Protesta e sindikatës së mësuesve në Athinë ka degjeneruar në dhunë të paprecedentë, teksa mësues e edukatorë janë përleshur me policinë.
Episodet e dhunës shpërthyen jashtë aktivitetit në Pallatin e Muzikës, ku diskutohej “Projekti 4-vjeçar për Arsimin”, e organizuar nga zyra e ministrit të Arsimit Nikis Kerameos.
Kryeministri Kyriakos Mitsotakis ishte planifikuar të fliste në këtë aktivitet, por klima është përshkallëzuar me përplasjen mes protestuesve dhe forcave të MAT-it, që kanë përdorur edhe gaz lotsjellës.
Për shkak të incidenteve u mbyll edhe rruga e Kifisias, nga lartësia e Panormos dhe u krijua një bllokim i madh trafiku, ndërsa thirrja e mësuesve ishte: “Do t’ua prishim festat”.
