Ish-zyrtarja e Kryeministrisë, Alda Klosi, e cila akuzohet për veprat penale; “pastrim parash”, “fshehje të pasurisë” dhe “deklarim të rremë para oficerit të Policisë Gjyqësore” pritet të dalë sot në sallë e gjyqit për vlerësimin e masës së sigurisë.
Klosi ka kërkuar masë më të lehtë sigurie. Gjithashtu Klosi kërkon lirinë në Gjykatën e Apelit duke argumentuar se ka 2 fëmijë të mitur dhe se ka në kujdestari edhe nënën e saj të verbër.
Ish-zyrtarja e Kryeministrisë dhe këshilltare e Arben Ahmetajt, ndodhet në të njëjtin burg me pastruesen Rozeta Dobi, arrestimi i së cilës çoi në zbulimin e 120 mijë eurove të vjedhura në shtëpinë e Klosit dhe mbi 405 mijë të tjerave, të fshehura në tubin e aspirimit të kuzhinës.
Gjykata ka caktuar për Klosin masën e sigurisë “arrest me burg” dhe ajo ndodhet në qelitë e burgut të grave “325”, në zonën e “Ali Demit”.
