Banorët e Dukagjinit kanë dalë ditën e sotme para Bashkisë Shkodër si dhe para Prefekturës, në protestë për rrugën.
Mësohet se banorët kanë dalë për të kërkuar ndërtimin e rrugës që lidh 34 fshatra të zonës së Dukagjinit me Shkodrën.
Të shumtë kanë qenë banorët që me moton ‘Dukagjini kërkon rrugën’, kanë theksuar se ky aksi i pandërtuar ka qenë një burim i madh aksidentesh dhe ka marrë shumë jetë njerëzish.
Banorët në mbyllje të protestës, kanë ndezur disa qirinj, si dhe kanë paralajmëruar për protesta të tjera.
