“Nuk ka asnjë shans ta përdorin Kuvendin për ta kthyer në një hapësirë manipulimi dhe propagande ekstreme, pa asnjë bazë”.
Më këtë fjali Edi Rama i ka mbyllur sot në mënyrë kategorie derën një mundësie për të ngritur komisionin hetimor në Kuvend, që Partia Demokratike kërkon për çështjen McGonigal, dhe ku kreu i selisë blu Sali Berisha pretendon se do të paraqesë prova që tregojnë korruptimin e ish-zyrtarit të FBI.
Në daljen e tij të parë pas rreth tre javësh në emisionin “Opinion” shefi i qeverisë gjithashtu u mbrojt duke thënë: “Në parlament shkoj kur e shoh të arsyeshme”.
“Unë do shkoj në Parlament kur e shikoj unë të arsyeshme, kur e shikoj unë të arsyeshme do shkoj”, tha Rama.
Por shefit të qeverisë duket se nuk i del inati me ish të dashurën e Charles McGonigal, e cila në një intervistë për Euroneës Albania tha se kishte dëgjuar ish-zyrtarin e FBI të fliste shpesh në telefon me “mikun e tij” Edi Rama.
“Unë besoj se ishin miq personal dhe flisnin shpesh në telefon më njëri-tjetrin. Charli ka marrë në telefon kryeministrin Rama në praninë time jo shpesh, por shpesh më thoshte që e kishte mik të mire”, u shpreh Allison Guerriero.
Ajo gjithashtu zbuloi se McGonigal komunikonte me Ramën nëpërmjet një aplikacioni të quajtur “VIASAT”.
“Charlie më thoshte që ishte mik me Kryeministrin Rama dhe mu duk e pazakontë që një agjentë i këtij niveli të lartë të FBI të ketë një miqësi të tillë. Ata shpesh flisnin në telefon me Viasat dhe më tregonte foto që kishin qenë bashkë. Më dukej një miqësi e pazakontë. Kur Rama ishte në Neë York, Charlie më tha që ata kishin ngrënë darkë bashkë në një restorant të shtrenjtë dhe për mua kjo ishe një gjë që një agjent i FBI nuk duhet ta bënte”, tha ish e dashura e McGonigal.
Por Rama në “Opinion”, kur u pyet për aplikacionin e veçantë, shpërtheu në tone të ashpra përkundrejt Guerrieros.
“Kush ajo që thoshte e kam dhj*rë fare. Më fal për shprehjen. I fucked up thoshte. Asaj që i dhanë para që të jepte një intervistë në Shqipëri”, tha Rama.
“Më tha për Agron Nezën, ku është miku dhe bashkëpunëtori im. Ka qenë prezent edhe në rastet e tjera. Unë e kam thënë vetë, ai ka ardhur dhe më tha për influencën ruse në rajon që në Shqipëri duhet bërë kujdes etj. Asnjëherë nuk më ka kërkuar asgjë konkrete për X apo Y. Nuk më ka folur për asnjë kompani. Vetëm në parim. Ç’rëndësi ka që përmendet emri 14 apo 24 herë. Çfarë thotë akuza? Ish-zyrtari nuk ka raportuar udhëtimet, e ka marrë para borxh. Nuk ka kërkuar asgjë nga unë, asgjë nga qeveria. Fare, fare. Po e përsërish, nuk ka nevojë që t’i besosh fjalëve të mia, shiko aktakuzën. Nuk flitet për korrupsion”, u mundua të justifikohej më tej kreu i ekzekutivit.
