Tirana kampione e Shqipërisë është skuadra që ka ndryshuar më shumë këtë sezon.
Krahasuar me ekipin e titullit, janë larguar pothuajse të gjithë lojtarët.
Të vetmit që kanë rezistuar nga titullarët janë Bekaj, Najdovski e Toshevski.
Merkatoja dhe largimet kanë bërë që skuadra të shohë të gjithë kampionët larg vetes. I pari iku kapiteni Erjon Hoxhallari.
Më pas, pikërisht pas Europës rrugën morën Seferi, Toli e Totre.
Hemorragjia e largimeve te kampionët vazhdoi edhe në këtë janar, teksa ikën po kështu edhe dyshja Marsel Ismajlgeci e Redon Xhixha si dhe Vesel Limaj. Shkurt, shtatë titullarë të skuadrës i dhanë lamtumirën bardhebluve.
Një zbrazje e madhe e ekipit që doli kampion i Shqipërisë majin e shkuar.
Dhe në këtë nuk llogariten lojtarë stoli, që janë larguar në dy dritaret e merkatos. Shkurt, drejtuesit kanë fshirë gjithë kampionët e Shqipërisë.
Gjithsesi, e mira e kësaj situate është fakti që Tirana ka afruar emra si Aleksi, Lulaj, Deliu, Lushkja, Abazaj, Haxhiu e ndonjë tjetër për të plotësuar skuadrën.
